සිහින ලග අපි

ලං වෙන්නට
හැකිමුත්
සැබෑ ලොවේදී
සිහිනයන්ට....
ලං විය යුතු
බොහෝ දෙයට
අවැසි කාලය..
කා දමති
මිනිසුන්
සිහින තුලම.....

මිනිස්සුද මේ...

ඔලු කුරුවල් වෙලා...

මහ ගොඩක් 

කුණු කන්දල්

හිත්වල

තෙරපෙනවා..

කැකෑරෙනව

වෙෙරය.. 

පැලෙනවා 

ඊරිසියාවට..

හිතෙනවා

මනසින් උසස් යැයි

කියනා

මිනිස්සුද මෙ....

ගැලපේවිද අපි දෙන්න..

මම,

අාඩම්බරකාර 

රස්තියාදුකාරයෙක්.

උඹ,

ලස්සන

අහිංසක

කෙල්ලෙක්.

ගැලපේවිද අපි දෙන්න...

                       මම කැමති.. 

                       ඔයාගෙ ඔය

                       අාඩම්බරේට... 

හම්....

එ්ත්

උබෙ ඔය 

අහිංසක ලස්සන 

ඉස්සරහ

මගෙ අඩම්බරේ 

කොහෙ යනවද 

නිච්චි නැනෙ....

                      

 

මිනිස්සු නෑ

කාලෙකට ඉස්සර
සල්ලි වලට
ගන්න බැරි ගොඩක් දේවල්
මනුස්සකමට
ගන්න පුළුවන් උනත්
දැන්
මනුස්සකමට ගන්න බැරි
හැමදේම සල්ලි වලට
ගන්න පුළුවන්
මොකද
දැන් ඉස්සර තරම්
මිනිස්සු නෑ

නිදහස

        නිදහස, කියන්නට නම් දෑ බොහෝය. කොහෙන් පටන් ගෙන කොහෙන් නවත්වන්නද සිතා ගත නොහැකිය. බුදුන් වැඩිය රට මෙ ශ්‍රි ලංකාව. එදත් නිදහස වෙනුවෙන් අපි ජාති අාගම් භේද පසෙකලා ලංකිකයන් ලෙස සටන් වැදුනෙමු. අද වන විට තත්වය වෙනස්ය. ජාතින් වශයෙන් හා දේශපාලනික පාක්ෂ වශෙයන් බෙදී අැන කොටා ගන්නා යුගයකට එලබ තිබේ.ඉතින් කෙසේද පැහැදිලි අනාගතයක් සොයා ගන්නෙ. අපි 30 වසරක් යුද්ධයකින් පීඩා වින්දෙමු. තවත් යුද්ධයක් අපිට අවශ්‍ය නැත. රටක් දේශපාලනික වශයෙන් හෝ අර්ථික වශයෙන් හෝ සාමාජීය වශයෙන් ඔය ඔනෑම අාකාරයකින් අස්ථාවර කිරීමට පහසුම මග ජාති වාදය ගොඩනැගීමයි. එදා නිදහස වෙනුවෙන් අපි සටන් කලේ ජාතීන් වශයෙන් නොව ලාංකිකයන් වශයෙනි. එහෙත් පසුව අප ජාතීන් වශයෙන් අැන කොටා ගැනීම නිසා යුද්ධයක් අැති වුණි. මන්ද රට අස්ථාවර කීරීමට මාන බලන්නෙකුට එය කිරීමට පහසුම මග ජාතිවාදය අවුලා රට තුල ජනතාව කා කොටා ගන්නා තත්වයක් නිර්මාණය කිරීමයි. එක් වරක් එය සිදුවිය. එයින් අප සියලු දෙනා ජාති අාගම් භේදයකින් තොරව පීඩා වින්දෙමු. නැවතත් අපිට එවැනි තත්වයක්  අවශ්‍ය නැත. අපි ජාතීන් වශයෙන් නොව ලාංකිකයන් වශයෙන් බාහිරයට මුහුණ දිය යුතුය. ජාතීන් වෙනුවෙන් නොව ජාතීන් අතර අාරවුල් අැති කිරීමට මාන බලන්නන්ට විරුද්ධව අපි නැගී සිය යුතුය. එවිට මෙ නිදහස අපට පවත්වා ගත හැක. අපි සිංහලයන් වශයෙන් එදා මෙදා තුර අාතන්තුක සත්කාරයෙහි ලා  මුල්තැන ගත් ජාතියකි. අදටත් එ් සිංහලකම අප හැම දෙනා ලගම අැතිමුත් එය යටත් පත් වී අැත. අැතැමුන් පටු දේශපාලනික වාසි තකා හෝ තම පෞද්ගලික අරමුනු සදහා අත්මාර්ථකාමී ප්‍රතිපත්ති අනුගමනය කිරීම නිසා ෙමවැනි තත්ව උදාවී තිබේ. ඉතින්  කොහොම කිව්වත් කියන්නට අැත්තේ එක දෙයකි. නිදහස් සුන්දර ශ්‍රී ලංකාවක් සදහා අපි එක් විය යුතුයි. අප අාදරය කල යුත්තේ රටට මිස දේශපාලන මාත වාදයන්ට නොවේ. අපේ රණ විරුවන් අපට දිනා දුන් රට සුන්දර ලංකාවක් කිරීමට  ජාතීන් වශයෙන් නොව ලාංකිකයන් වශයෙන් ඉදිරියට යාමට හැකි වෙවායි පතමි.

මං තාම හිතනවා

ලියන්නට සැරසුනත්
ඔබ සමග මම....
පලවෙනි පරිච්ඡේදය
විතරයි
උබ ගියා...
මම
ලතවෙනවා
අායෙ ලියනවද,
එතන ඉදන් ලියනවද,
අාරංචියි මට
ඉවරයි කියල
උබ,
පොත එලිදක්වලත්..
මං
තාම හිතනවා..
මොකද උනේ
කියල..

කෑමට පසු/පෙර

කෑමට පසු
ගන්න තියෙන බේත්
ඔනා නෑ..
මහත්තයෝ...

ගෙව්වම
ඔයාගෙ බිල
ඔක්කොම
බොන්න වෙන්නෙ
කෑමට පෙර....
මට..

රොඩ්ඩ

උබ රොඩ්ඩක් වෙන්ඩ පුළුවන් 

මහා ලොකු system එකක් ලග

උන් උඹව අතුගාල දාවී

සැලෙන්න එපා 

මොකද 

උබ පොඩි උනත් 

උන්  බයයි උඹට

මොකද

ඔය මහා ලොකු system නවත්තන්න 

පොඩි පොඩි රොඩු කෑලි වලට පුළුවන්

එ්ත් system එක නවත්තන්න නෙවෙයි 

system එක වෙනස් කරන්න පුළුවන් තරමට 

උබ ශක්තිමත් වෙයන් 

ඔව් 

උබට පුළුවන්

අම්මා

කෙල්ල එනකං

බස් නැවතුමේ

පොල්ලකට 

වාරු වෙලා

රෑ වෙනකන්

බලන් ඉදල 

කාලෙ කාපු උබ

ගෙදර  එනකං 

පිල්කඩ උඩ

සාගින්නෙ බලන් ඉන්නවා

අම්මා

හැකිද මෙලෙස..

වඩිනා විට
බුදු පුතෙක්
එලියයි පලාතම
සංවරයි,
සාමකාමී,
සුන්දරයි දැකීමට,
පින්වන්තයි..
ඒ රුව.
තවමත්.
කිවු විට සග රුවන
මැවෙන්නේ
රුවයි ඒ
ඒත් අද...
කෑ ගහනවා..
බැණ ගන්නවා..
ගහ ගන්නවා...
මහ පාරේ...
අසෝභනයි අපේ හාමුදුරුවනේ...
හැකිද රකින්න දහම
මෙලෙස කඩමින්
බුදුන් දෙසු විනය....

හම්මෙ.... දෙපාරයි

දත් පුට්ටු වෙන හීතලේ
සීතල පිණි බිංදුවක්
හිස් මුදුනට වැටනාම
හම්මෙ.....
හාරං ගියා වගේ දැනුන මට...

පුංචි  ලස්සන තරුවක්
අහසේ කෙලවරක තනිවෙලා
ඉන්නව දැක්ක මට
නිච්චි නැති වුනා
වේදනාව

ආයෙත්
වැටුනා
හෙන ගෙඩියක් වගේ
හම්මෙ....

(අත්දැකීමක් නොවේ...)

හීන අස්සේ හීන

දැක්ක දැක්ක
හැම හීනෙම
හරි ගියා බන්
දරා ගන්ඩ බැරි වුනා
මයේ හිතේ
වෙලාවට අයෙත්
ඇහැරුනේ
නැත්තන් පුපුරනවා
සතුටට
ඇද උඩම
හීන අස්සේ හීන දැක්ක අැති
ගැම්මක් අරන්
ජීවිතයේ ගොඩ දා ගන්න
බැහැපන් ඇදෙන් බිමට...